Весела, цікава і з карысцю праходзіць адпачынак у профільным аздараўленым лагеры эколага-біялагічнага профілю «Экатурыст», які працуе на базе Круцілавіцай школы.
Вельмі займальна прайшла экскурсія ў Гезгалаўскую школу. Выхаванцы наведалі турыстычную паласу перашкод з элементамі арыентавання на мясцовасці. Настаўнік фізічнай культуры і здароўя Валерый Іванавіч Дзядовіч паказаў вучням турыстычны інвентар і расказаў, як ім патрэбна карыстацца пры пераправе праз раку. Выхаванцы з вялікім задавальненнем і азартам асвойвалі на практыцы спосабы пераправы з дапамогай страховачных прыстасаванняў. Хлопчыкі і дзяўчынкі атрымалі зарад бадзёрасці і шмат станоўчых эмоцый.
Наталля Вячаславаўна ЖЫХ,
дырэктар аздараўленчага лагера «Экатурыст».
Вольга Васільеўна КАРДАШ,
старэйшы выхавальнік,
Дзятлаўскі раён, Круцілавіцкая школа.
