Яблыневы сад у Паляцкішскай школе быў закладзены некалькі дзесяцігоддзяў назад. Тут маюцца яблыні як ранніх, так і позніх гатункаў.
Сёлета сад парадаваў багатым ураджаем. У верасні навучэнцы прынялі ўдзел у зборы садавіны. Працы хапіла і старэйшым, і малодшым вучням. Прыгожыя сакавітыя яблыкі апынаюцца ў руках хлопчыкаў і дзяўчынак. Пры зборы ўраджаю ўдзельнікі дэсанту праяўлялі асабістую стараннасць і руплівасць.
Сабраны ўраджай перададзены ў школьную сталовую. Духмяныя наліўныя яблыкі з’яўляюцца на абедзенным стале навучэнцаў.
Іван Францавіч ГАБІС,
настаўнік беларускай мовы і літаратуры,
Воранаўскі раён, Паляцкішская базавая школа.
