Вучні пачатковых класаў Круцілавіцкай школы прынялі актыўны ўдзел у выхаваўчым мерапрыемстве «Выратавальнік – прафесія для смелых».
Падчас правядзення мерапрыемства хлопчыкі і дзяўчынкі паглыбілі свае веды аб прафесіі выратавальніка: даведаліся аб асаблівасцях працы, форме выратавальнікаў, інструментах і транспартных сродках, якімі карыстаюцца людзі гэтай прафесіі.
А яшчэ вучні даведаліся, як дапамагаюць выратавальнікам службовыя сабакі, якую асветніцкую работу вядуць супрацоўнікі МНС сярод насельніцтва. Усе ўдзельнікі мерапрыемства пазнаёміліся са зместам часопіса «Юны выратавальнік», а таксама завочна пазнаёміліся з выратавальнікамі, якія жывуць у аграгарадку Круцілавічы. Вучань 3-га класа Арсеній Халецкі прачытаў верш, які прысвяціў свайму тату – выратавальніку Аляксандру Міхайлавічу Халецкаму.
Напрыканцы мерапрыемства навучэнцы абмеркавалі і атрымалі памятку «Правілы паводзін пры галалёдзе», такую актуальную пры сучасных пагодных умовах. Маленькія ўдзельнікі былі рады пабачыць вучэбныя мультфільмы «Як правільна выклікаць выратавальнікаў», «Бяспечныя паводзіны на кухні». Мерапрыемства прайшло ў пазнавальнай атмасферы.
Ала Уладзіміраўна ЛАЗОВІК,
настаўнік пачатковых класаў,
Дзятлаўскі раён, Круцілавіцкая школа.
