Традыцыйна ў школе № 7 г. Навагрудка Міжнародны дзень роднай мовы адзначаецца рознымі цікавымі мерапрыемствамі. Вучні заўсёды з вялікай ахвотай і задавальненнем удзельнічаюць у іх.
Сёлета прыемна здзівіла ўсіх сваёй творчасцю вучаніца 10-га класа «К» Ганна Норык, якая падрыхтавала да ўрачыстага свята цудоўную выставу вышывак «Залацінкі мовы». На маленькіх кавалачках тканіны з лёну і бавоўны яна вышыла кранальныя словы беларускіх пісьменнікаў і паэтаў пра родную мову.
Выстава спадабалася і вучням, і настаўнікам не толькі змястоўнасцю падабраных выслоўяў, але яшчэ і арыгінальнасцю падабраных колераў, што адпавядалі зместу выслоўяў.
Валянціна Віктараўна МАНЮК,
настаўнік беларускай мовы і літаратуры,
г. Навагрудак, школа № 7.
