У Хонаўскай школе прайшоў тыдзень роднай мовы, у якім удзел прынялі ўсе: ад выхаванцаў дзіцячага сада да вучняў старэйшых класаў.
Для выхаванцаў дзіцячага садка Галіна Анатольеўна Пусікава падрыхтавала падарожжа ў свет беларускіх казак “Казкі слухаць я люблю, мову родную вучу”. Дзеці з задавальненем паслухалі беларускія народныя казкі “Курачка-Рабка”, “Каза-манюка”.
Вучні пачатковых класаў прынялі ўдзел у конкурнай праграме “Па краіне гукаў і літар”. Настаўнік Антаніна Віктараўна Ржэуцкая арганізавала спаборніцтва паміж камандай дзяўчынак “Сонейка” і камандай хлопчыкаў “Вясёлка”. Дзеці ўдзельнічалі ў конкурсах-заданнях, падрыхтавалі інсцэніроўкі, чыталі вершы вядомых беларускіх пісьменнікаў.
Аксана Пятроўна Пускова заклікала вучняў 8-10 класаў у цікавы свет нацыянальных каштоўнасцяў і традыцый, дзякуючы інтарактыўнай гульні “Мова родная – мова модная”. А вучняў 5-7 класаў чакала інтэлектуальная гульня “Размаўляем па-беларуску”, гульня “Слабае звяно”, конкурсы.
Алена Мікалаеўна Лукашова разам з вучнямі 5-га класа згулялі ў гульню-віктарыну “За смугою стагоддзяў”.
Цікавыя і змястоўныя мерапрыемствы ўзбагацілі дзяцей новымі ведамі, далучылі да духоўнай спадчыны нашага народа.
Марына Міхайлаўна НОВІКАВА,
настаўнік пачатковых класаў,
Магілёўскі раён, Хонаўская школа.
