Напярэдадні 15 сакавіка ў дзіцячым садзе ДУА “Міжэрыцкая базавая школа імя У.Ляха” прайшлі мерапрыемствы прысвечаныя Асноўнаму Закону Рэспублікі Беларусь.
15 сакавіка наша краіна адзначае дзяржаўнае свята — Дзень Канстытуцыі Рэспублікі Беларусь. Пра гэта ведаюць нашы дашкаляты. З нагоды гэтай падзеі былі прымеркаваны разнастайныя мерапрыемствы, бо менавіта ў дашкольным узросце закладваюцца асновы патрыятызму, усведамлення сябе часткай дзяржавы, развіваецца пазнавальны інтарэс да падзей, якія адбываюцца вакол нас.
У нашым дзіцячым садзе прайшлі акцыя «Праспяваем гімн разам», тэматычныя заняткі «Я-грамадзянін Рэспублікі Беларусь», «Сімвалы маёй краіны». Дзеці прынімалі ўдзел у дыдактычных гульнях: “Адгадай права”, “Правы ў казках”.
З выхаванцамі прайшлі гутаркі-развагі з разглядам ілюстрацый “Правы дзіцяці”, “Якія ў дзяцей абавязкі?”.
Выхаванцы дашкольнай установы разам з выхавальнікамі наведалі чытальную залу Міжэрыцкай бібліятэкі, дзе з вялікім задавальненнем разглядалі кнігі пра Беларусь, дзіцячыя часопісы.
Такія мерапрыемствы сапраўды неацэнныя: яны спрыяюць пашырэнню дзіцячых уяўленняў аб дзяржаве і дзяржаўных сімвалах Рэспублікі Беларусь, правах грамадзяніна, выхаванню ў дзяцей любові да Радзімы, гонару за яе дасягненні.
Алена Казіміраўна ГАНЧАР,
выхавальнік дашкольнай адукацыі,
Зэльвенскі раён, Міжэрыцкая базавая школа імя У. Ляха.
