Святочныя мерапрыемствы да Дня Канстытуцыі Рэспублікі Беларусь прайшлі ў дзяржаўнай установе адукацыі «Трасцінская базавая школа”.
Урачыстая лінейка пад ганаровай назвай “Я – беларус, і гэтым ганаруся!” была адкрыта Дзяржаўным гімнам Рэспублікі Беларусь. На лінейцы гучалі словы пра нашу Радзіму на рускай і беларускай мовах, як знак роўнасці і адзінства паміж усімі грамадзянамі нашай краіны. Самым хвалюючым і ўрачыстым момантам свята стала ўручэнне падарункавага выдання “Я – грамадзянін Рэспублікі Беларусь” юнаму грамадзяніну нашай краіны – вучню 8 класа, якому споўнілася 14 гадоў, Мікуціну Станіславу. Дырэктар установы Валянціна Віктараўна павіншавала ўсіх прысутных з дзяржаўным святам і пажадала вучням быць стараннымі, адказнымі, добрымі, справядлівымі, з гонарам і годнасцю звацца беларусамі.
“Быць грамадзянінам – вялікая адказнасць перад грамадствам, роднымі і блізкімі, у першую чаргу перад самім сабой”, – адзначыла дырэктар. Яна падкрэсліла, што на моладзь ускладаюцца вялікія надзеі. Ад маладога пакалення залежыць, якіх вышынь дасягне краіна ў будучыні.
Галіна Уладзіміраўна САДКОВА,
настаўнік пачатковых класаў,
ДУА “Трасцінская базавая школа”
