Мой час – 2019 год.
Мая малая радзіма – Навагрудскі раён, аграгарадок Пятрэвічы.
Я – Дзмітрый Духоўнік, выпускнік Пятрэвіцкага дзіцячага сада — сярэдняй школы.
З 13 па па 20 красавіка 2019 праводзіцца добраахвотная акцыя “Тыдзень лесу -2019” і прысвечана яна Году малой радзімы, а таксама 75-годдзю вызвалення Беларусі ад нямецка–фашысцкіх захопнікаў. Зрэшты, у такіх акцыях я разам з сябрамі і дарослымі ўдзельнічаю штогод з 2016-га. Таксама мы займаемся навядзеннем парадку ў прыбярэжнай зоне нашага воднага аб’екта напярэдадні адкрыцця сезона масавага актыўнага адпачынку насельніцтва на прыродзе і рыбалоўства.
Хочацца са старонак маёй любімай “Зорьки”сказаць, што гэта толькі маленькая частка таго, што мы можам зрабіць для нашай зямлі. А калі кожны з нас прыкладзе для гэтага хоць трошкі намаганняў, магчыма, свет зменіцца. І зменіцца да лепшага не толькі знешне, але і ўнутрана.
Прыемна назіраць, як шэрая зямля хутка зелянее пяшчотнымі зялёнымі іголачкамі зусім яшчэ маленькіх і неакрэплых саджанцаў.
Сябры, няхай наша краіна цвіце і зялянее!
Духоўнік Дзмітрый, вучань 11 класа
Пятрэвіцкі ВПК дзіцячы сад — сярэдняя школа.
Фота з архіва сайта школы
