Аграгарадок Будслаў вядомы далёка за межамі Мядзельскага раёна. Менавіта тут кожны год у пачатку ліпеня адбываецца ўсім вядомы Будслаўскі фэст.
Сёлета, як і некалькі гадоў запар, пабывала там разам са сваёй сям’ей і аднакласніцай. Мне пашчасціла пагутарыць з удзельніцай одной з самых вялікіх пілігрымак «Мінск – Будслаў», якая налічвае 354 чалавек, Анастасіяй Кардаш:
– Удзельнікам пілігрымкі з’яўляюся ўжо другі раз. І штогод наша пілігрымка праходзіць 125 кіламетраў. Пілігрымку можна параўнаць з невялічкім жыццем, у якім ты знаходзіш новых знаёмых і ўмацоўваеш адносіны са старымі. Ісці да Будслава было лёгка, але часам перашкаджала спякота. Пілігрымка – гэта не толькі актыўнасць ножкамі, але і спевы ў хоры, гатаванне ежы і добры настрой.
Шчыра падзякавала сваёй субяседніцы за размову і задумалася аб тым, каб прыняць удзел у пілігрымцы ў наступным годзе.
Ганна УЛЬЯНКА,
вучаніца 9-га класа,
Вілейскі раён, Даўгінаўская школа імя У.І.Слабодчыкава.
