Вось і скончыліся дні летняга чытання «Чытаем разам з летам» у дзіцячай бібліятэцы. Тры месяцы хлопчыкі і дзяўчынкі наведвалі бібліятэку, не губляючы цікавасці да мерапрыемстваў.
Завяршыліся летнія канікулы займальным літаратурным святам «Да новых сустрэч, Кніжнае лета», удзел у якім прынялі самыя актыўныя чытачы, сябры бібліятэкі, са школьнага лагера школы № 3. Бібліятэкар павіншавала дзяцей з надыходзячым навучальным годам і падзякавала за сяброўства з кнігай, за цёплыя адносіны, за радасць сустрэч. Прысутныя прынялі ўдзел у літаратурных конкурсах, віктарынах і гульнях, актыўна абмяркоўвалі прачытанае і дзяліліся сваімі ўражаннямі, дзе паказалі сябе начытанымі і эрудзіраванымі.
Добрым настроем і пазітыўнымі эмоцыямі скончыліся летнія чытанні!
Вольга Мечыславаўна ЗАЯНЧКОЎСКАЯ,
бібліятэкар Астравецкай раённай бібліятэкі.
