Вучні пачатковых класаў Круцілавіцкай базавай школы Дзятлаўскага раёна Гродзенскай вобласці наведалі музей “Дзеці ліхалецця” на базе Новаяльнянскай сярэдняй школы.
Кіраўнік музея – Крывеня Тамара Уладзіміраўна – паведаміла рабятам пра цяжкі лёс дзяцей, якія ў чэрвені 1941 года апынуліся на Дзятлаўшчыне, пра падзеі Вялікай Айчыннай вайны на тэрыторыі Дзятлаўскага раёна, пра генацыд беларускага і яўрэйскага насельніцтва нямецка-фашысцкімі захопнікамі. Навучэнцы даведаліся пра лёс канкрэтных асоб, пабачылі фотаздымкі і асабістыя рэчы дзяцей з “эшалона смерці”, фотаздымкі канцлагераў, ваенных падзей і інш. А яшчэ падчас экскурсіі дзеці пабывалі каля будынка былога ў гады вайны піянерскага лагера, ля помніка загінуўшым у г/п Наваельня, на месцы масавага расстрэлу яўрэяў ля чыгуначнага вакзалу г/п Наваельня і на месцы расстрэлу 18 красавіка 1944 года членаў партызанскага атрада ў в. Варакомшчына.
Усе ўдзельнікі экскурсіі атрымалі новыя і паглыбілі свае веды аб падзеях Вялікай Айчыннай вайны на Дзятлаўчыне.
Ала Уладзіміраўна ЛАЗОВІК,
Вольга Васільеўна КАРДАШ,
настаўнікі пачатковых класаў,
Дзятлаўскі раён, Круцілавіцкая школа.
