Кожны піянер дружыны імя Олега Кашавога ведае, што неабходна заўсёды намагацца паляпшаць жыццё блізкіх людзей, працаваць над сабой, выхоўваць волю, сціпласць, значыць, надаваць асаблівую ўвагу маральнаму, грамадзянскаму, патрыятычнаму выхаванню. І ўсё гэта закладваецца клапатлівымі настаўнікамі пачатковых класаў.
Акцябраты Арсеній Паўловіч, Арцём Матоніс, Валерыя Бальцэвіч, Аляксандр Русялевіч, Паліна Мінгелевіч, Максім Сядляр, Мікіта Бунчук заўсёды з захапленнем актыўнічаюць у піянерскіх акцыях. Падчас гульні “Добрые дела нашего класса”, шчыра ўсміхаючыся свету, яны часцей тэлефануюць бабулям і дзядулям, гуляюць з маленькімі брацікамі, сястрычкамі, прыбыраюцца ў дварах. Ад такіх натхняльных дробязяў настрой абавязкова паляпшаецца нават у панурых навакольных!
Радуе, што нашы хлопчыкі і дзяўчынкі растуць не з чэрствым сэрцам, а здольнымі своечасова працягнуць руку дапамогі.
Крысціна Станіславаўна ІОДКА,
класны кіраўнік 4-га класа.
Воранаўскі раён, Клайшанская базавая школа.
