У Смаргонскім дашкольным цэнтры развіцця дзіцяці стартавала экалагічная акцыя па зборы макулатуры «Папяровы бум».
Мэта акцыі – фарміраванне актыўнай пазіцыі дзяцей у галіне аховы навакольнага асяроддзя. Такі выбар тэмы – збор макулатуры – не выпадковы. Папера – адзін з асноўных кампанентаў смецця ў кожнай кватэры, школе, дзіцячай ўстанове. Адзін жыхар, у сярэднім, выкідвае да 150 кг паперы ў год. А для атрымання адной тоны паперы расходуецца прыкладна 10 дрэў і 20 000 літраў вады. У сакавіку арганізавалі пункт прыёму макулатуры – развесілі агітацыйныя плакаты, правялі статыстыку і ўлік сабранай макулатуры. Агульнымі намаганнямі сабралі 1500 кг макулатуры. Кожныя 80 кг макулатуры выратоўваюць адно дрэва. Значыць, мы выратавалі 18–20 вялікіх дрэў! З энтузіязмам у акцыі ўдзельнічалі выхаванцы і бацькі, якія прыносілі старыя газеты, часопісы, кнігі, кардонныя ўпакоўкі. Па выніках акцыі «Папяровы бум», правялі ўзнагароджанне актыўных ўдзельнікаў. Выхаванцы другой малодшай групы № 8 сабралі 406 кг макулатуры, і занялі першае месца. Другімі былі выхаванцы 11-й групы, яны сабралі 150 кг. Трэцімі – група № 7, якая сабрала амаль 100 кг макулатуры.
Наталля Генадзьеўна КОЛВЗАН,
намеснік загадчыка па асноўнай дзейнасці.
г. Смаргонь,
дашкольны цэнтр развіцця дзіцяці.
