У Раготнаўскім дзіцячым садзе–базавай школе адбылася тэатралізованая інэрактыўная экскурсія-гульня «Вяртанне да вытокаў», у якой прынялі ўдзел вучні 1–5-х класаў.
Выхаваць грамадзяніна-патрыёта без глыбокай павагі да нацыянальнай спадчыны, традыцый, звычаяў, культуры Беларусі немагчыма. Вельмі важна прывіць вучням з самага малку пачуццё Радзімы – зямлі, на якой яны нарадзілася, якая дала ім жыццё, навучыць з пашанай ставіцца да сям’і і роду, да сваёй малой радзімы.
Усе класныя кiраўнiкi школы ствараюць неабходныя ўмовы для фарміравання ў выхаванцаў патрэбы ў далучэнні да традыцый беларускага народа і народнай культуры, прапагандзе і папулярызацыі іх, павагі да нацыянальнай спадчыны беларусаў, пачуцця нацыянальнага гонару і патрыятызму. У гэтым дапамагае школьны музей «Беларускі скарб». Славу сінявокай Беларусі прыносяць не толькі рэкі і азёры, палі і лясы, але і лён-вечны спадарожнік беларусаў. Ён – сімвал Радзімы, наша нацыянальнае багацце. Нездарма далікатныя сінія кветачкі лёну ўпрыгожваюць Дзяржаўны герб нашай Айчыны. Навучэнцы і педагогі школы запрашаюць усіх жадаючых наведаць наш музей «Беларускі скарб».
Кацярына Ігараўна КРУПІЦА,
настаўнік пачатковых класаў,
Валянціна Мікалаеўна МОМАТ,
кіраўнік музея.
Дзятлаўскі раён, Раготнаўскі дзіцячы сад–базавая школа.
