Вучні Жукоўшчынскага дзіцячага сада–базавай школы прынялі ўдзел у мітынгу, прысвечаным 76-й гадавіне Дня Перамогі, які праводзіўся ля помніка загінуўшым землякам у вёске Погіры.
Прысутныя даведаліся ад выступоўцаў, што на тэрыторыі Дзятлаўскага раёна ўстаноўлены 93 помніка-абеліска ў знак пашаны і павагі да подзвігу нашых землякоў, якія сваімі жыццямі заплацілі за мірнае неба над галавой, што былі спалены разам з жыхарамі 6 вёсак раёна. Мінутай маўчання ўшанавалі памяць загінуўшых. Вучні 4 класа ўпершыню стаялі ў ганаровай варце.
Расказалі аб падзеях Вялікай Айчыннай вайны на тэрыторыі мікрараёна вучні 3-га і 5-га класаў. Яны заклікалі ўсіх цаніць мір, захоўваць памяць пра подзвіг беларускага народа, прыносіць кветкі салдатам, што свабоду для ўсіх збераглі!
Мерапрыемства ля помніка завяршылася ўскладаннем кветак у знак падзякі за здабыты крывёю воінаў мір на нашай зямлі.
Эстафета Памяці працягнулася ля помніка загінуўшым землякам у вёсцы Краглі Вялікія, дзе вучні даведаліся, што на гранітнай пліце ўвекавечаны імены загінуўшыых землякоў з вёсак Алехнавічы, Страла, Краглі Вялікія і Краглі Малыя, Пецюкі, Жукоўшчына. У знак павагі да іх подзвігу да абеліска былі ўскладзены кветкі.
Завяршылася эстафета ўскладаннем кветак ля памятнага знака ў Шаркутовым лесе, дзе былі расстраляны 9 землякоў-погірцаў за сувязь з партызанамі ў 1942 годзе.
Людміла Іосіфаўна ШАРКУТ,
класны кіраўнік 5-га класа.
Дзятлаўскі раён,
Жукоўшчынскі дзіцячы сад– базавая школа.
