Старшакласнікі Дварэцкая школы прапанавалі правесці агульшкольны флэшмоб, які быў прысвечаны Міжнароднаму дню роднай мовы.
Дзецям падабалася прыходзіць на рэпетыцыі, яны з задавальненнем вывучалі новыя рухі, рухі ўзятыя з беларускіх народных танцаў. Флэшмоб не патрабуе спецыяльнай падрыхтоўкі, таму кожны жадаючы вучань меў магчымасць танчыць.
Вучні падабралі для флэшмоба беларускую народную мелодыю і вырашылі яго правесці на вялікім перапынку. Было вельмі прыемна, што жадаючых танчыць было дастаткова многа. У такім флэшмобе праявіўся вясёлы настрой у дзяцей, бачна была сінхроннаць рухаў, адзінства.
Анастасія Сідорчык і Любава Ляўшук прапанавалі кожную раніцу ў школе перад заняткамі праводзіць флэшмоб. Ідэя атрымала падтрымку сярод вучняў школы. Час заўсёды знойдзецца, галоўнае – каб было жаданне!
Вольга Мечыславаўна СЯМАШКА,
выхавацель.
Дзятлаўскі раён,
Дварэцкая школа.
