На жаль, у жыцці мы можам трапіць у нечаканыя сітуацыі, звязаныя з ужываннем наркотыкаў, алкаголю і тытуню. Гэта сітуацыі, якія пагражаюць нашаму здароўю, уплываюць на паводзіны, за якія часам даводзіцца адказваць перад законам і перад уласным сумленнем. Таму неабходна ведаць, як супрацьстаяць шкодным звычкам.
Вучні нашага класа абмеркавалі дадзеную праблему на класнай гадзіне і выпрацавалі правілы паводзін, якія дапамагаюць сказаць «не» шкодным звычкам.
У завяршэнні мы сабралі сімвалічнае яркае і дужае Дрэва Здароўя. Яго рознакаляровыя лісточкі – цікавыя і карысныя заняткі, якімі можна і неабходна напоўніць сваё жыццё, каб не сутыкнуцца з такімі бедамі, як наркаманія, алкагалізм, курэнне.
Але! Нельга забываць аб тым, што мала самому быць здаровым чалавекам. Трэба старацца, каб і вашыя сябры не былі зацягнуты ў балота шкодных і небяспечных звычак.
Валерыя ЧОРНЕНЬКАЯ,
вучаніца 5-га класа.
Дзятлаўскі раён,
Дварэцкая школа.
