У Дварэцкай школе на занятку «Мы – розныя, мы – разам» у групе падоўжанага дня вучні праз гульні «Люстэрка» і «Паравозік» упэўн
іліся ў тым, што яны розныя, з розным колерам вачэй, валасоў, з рознымі здольнасцямі, імёнамі і характарамі.
Асабліва хлопчыкам и дзяўчынкам было цікава адправіцца ў падарожжа па краінах свету і даведацца, што у кожнай краіне людзей аб’ядноўваюць нацыянальныя традыцыі, мова, культура. Усім спадабалася паўдзельнічаць у невялічкім дэфіле. Улада Селівончык і Арцём Якімчык прадэманстравалі беларускі народны касцюм. А Валерыя Сямашка паспрабавала расказаць аб беларускім арнаменце, які выкарыстоўвалі для упрыгожвання адзення беларусы, аб тым, што менавіта арнамент з’яўляецца адной з галоўных асаблівасцей, якая аб’ядноўвае беларускую культуру.
У канцы занятку вучням было прапанавана замаляваць на размалёўках выявы людзей розных нацыянальнасцей. Вучні вельмі стараліся і ў іх атрымаліся прыгожыя малюнкі. А працяг гэтай прыгажосці ў тым, што мы – людзі гэтай планеты. Кожны з нас павінен памятаць, што мы розныя – у гэтым наша багацце, мы разам – у гэтым наша сіла.
Вольга Мечыславаўна СЯМАШКА,
выхавацель.
Дзятлаўскі раён,
Дварэцкая школа.
