Актыўная, настойлівая, дапытлівая, старанная і працаздольная – гэтыя рысы характэрны для вучаніцы 10-га класа Паляцкішскай сярэдняй школы Дар’і Янкелайць.
На працягу трох гадоў Дар’я паспяхова ўдзельнічае ў конкурсах, праектах, прадметных алімпіядах, навукова-практычных канферэнцыях «Край Гарадзенскі», «Крыштальная Альфа», «Дарога ў будучыню». У асабістай скарбонцы вучаніцы маюцца дыпломы I, II, III ступеняў раённага і абласнога ўзроўню.
У маі 2022 года паспяховым было выступленне вучаніцы на раённай навукова-практычнай канферэнцыі «Дарога ў будучыню» – работа адзначана дыплома 1 ступені ў секцыі «Беларуская мова».
Дар’я прымае актыўны ўдзел у грамадскім жыцці школы, з’яўляецца актыўным удзельнікам валанцёрскага атрада «Добрае сэрца».
За высокія паказчыкі ў вучобе і актыўны ўдзел у грамадскім жыцці Дар’і Янкелайць прысуджана стыпендыя абласнога аддзялення Беларускага фонду міру. На свяце, прысвечаным Дню Перамогі, уручаны дыплом і пасведчанне аб аднаразовай стыпендыі.
Планы на будучыню вучаніца для сябе акрэсліла: дабіцца поспеху ў жыцці. Поспех, па меркаванні Дар’і, пачынаецца са школы.
Іван Францавіч ГАБІС,
педагог сацыяльны.
Воранаўскі раён, Паляцкішская школа.
