З мэтай развіцця цікавасці да гістарычнага мінулага нашай краіны, да падзей Вялікай Айчыннай вайны ў аздараўленчым лагеры «Летняя акварэлька» Вензавецкага дзіцячага сада–сярэдняй школы прайшла квэст-гульня «Ведаць, памятаць і не забыць!», прысвечаная Году гістарычнай памяці.
Падчас яе выхаванцы згодна маршрутнаму лісту выконвалі заданні на станцыях «Кемлівасць», «Тэхніка Вялікай Айчыннай вайны», «Салдацкая», «Алфавіт Перамогі», «Разведчыкі», «Мы памятаем», «Ваенныя прафесіі» і «Гарады-героі».
У канцы гульні каманды склалі з атрыманых на станцыях літар словы «Не – вайне!». Квэст-гульня нікога з удзельнікаў не пакінула абыякавымі, наадварот, садзейнічала фарміраванню адказнага стаўлення дзяцей да грамадзянскага і воінскага абавязку перад Айчынай.
Наталля Віктараўна БЛОЦКАЯ,
дырэктар лагера.
Дзятлаўскі раён,
Вензавецкі дзіцячы сад–сярэдняя школа,
аздараўленчы лагер «Летняя акварэлька».
