На сённешні дзень вельмі актуальным з’яўляецца пытанне аб нашай роднай мове, бо многія яе не ведаюць на належным узроўні, асабліва сярод моладзі. Для таго, каб надаць больш увагі беларускай мове, літаратуры і культуры па ўсёй краіне прайшоў рэспубліканскі тыдзень роднай мовы «Як ты дорага мне, мая родная мова».
У Мушыскай школе для вучняў быў арганізаваны шэраг мерапрыемстваў, якія актывізавалі пазнавальную і творчую дзейнасць дзяцей і дапамаглі яшчэ больш палюбіць родную мову.
На працягу тыдня прайшлі анлайн-чэлендж «Льецца мова» сумесна з ГА «БРПА», акцыя «Размаўляй са мной па-беларуску», вучні прынялі ўдзел у творчай акцыі «Чытаем Максіма Танка разам», прымеркаванай да 110-годдзя Макісма Танка, конкурс творчых пісьмовы работ «За што я люблю родную зямлю», флаер-фэст «Мой родны кут, як ты мне мілы…», экскурсія ў музей установы адукацыі «Аб родым краі роднай мовай», «Будзь у трэндзе» – паказ адзення ў традыцыйным стылі, стварэнне віншавальнай паштоўкі «Пажаданні роднай мове», стварэнне інтэрактыўнага воблака слоў «Маё любімае слова па-беларуску».
Вучні з вялікім задавальненнем прымалі ўдзел у кожным мерапрыемстве, праяўлялі сваю актыўнасць і творчасць. А гэта значыць, што наша мова патрэбная маладому пакаленню і ў яе ёсць будучыня!
Таццяна Пятроўна ПЕТРАЧЭНКА,
настаўнік беларускай мовы і літаратуры,
педагог-арганізатар.
Мсціслаўскі раён,
Мушынская школа.
