У рамках тэматычнаго Дня ўзаемадзеяння з сям’ёй у пачатковых класах Клясціцкай школы імя У. А. Хамчаноўскага ў адну з субот цікава і пазнавальна прайшло мерапрыемства «Наша Радзіма, наша сям’я, наша спадчына».
Спачатку вучні прыгадалі гістарычныя факты ў рамках 85-годдзя Віцебскай вобласці. Затым дзеці разам з бацькамі складалі радаводнае дрэва сваёй сям’і. Усе да працы аднесліся творча і адказна, таму атрымаліся вельмі цікавыя сямейныя гісторыі. Таксама ў музейнай зале «Наперад у мінулае» бацькі патлумачылі дзецям прадметы быту, якімі карысталіся іх продкі.
Надзея Сяргееўна ШЫЛАВЕЦ,
педагог-арганізатар.
Расонскі раён,
Клясціцкая школа імя У. А. Хамчаноўскага.
