У 10-м класе Хвінявіцкай школы прайшла класная гадзіна «Ніхто не створаны для вайны».
Сустрэча прайшла ў форме ўрока памяці. У сваіх паведамленнях навучэнцы ўзгадалі перад гісторыю вайны ў Афганістане. Звярнулі ўвагу, як раскрываецца гэта тэма ў мастацкай літаратуры, музыцы, фотамастацтве.
Падчас урока вучні наведалі новую інфармацыйную экспазіцыю ў школьным музеі, якую падрыхтавала настаўніца гісторыі В. С. Тумін. Прыпыніліся каля экспазіцыі «Воіны-інтэрнацыяналісты нашы землякі». Традыцыйна мы ўзгадалі прозвішчы землякоў, якія з гонарам і годнасцю выконвалі свой інтэрнацыянальны абавязак перад Радзімай. На шчасце, яны вярнуліся дадому жывыя і здаровыя. І сёння мы маем магчымасць запрасіць іх у школу і разам абмеркаваць, што значыць быць патрыётам сваёй Айчыны, у чым заключаецца простае шчасце людское. Разам ушанаваць памяць загінулых на той вайне хвілінай маўчання. Пад гукі метранома замірае і сэрца ў кожнага прысутнага.
Сёлета ў Год міру і стварэння старшакласнікі звяртаюць увагу на важнасць стваральнай працы чалавека. Яна накіравана на тое, каб не толькі памножыць і захаваць спадчыну беларусаў, але і на тое, каб яшчэ раз заявіць аб нас у свеце. Нас, людей, якія жадаюць усяму свету міру і дабрабыту.
Таццяна Віктараўна ЖЫНКО,
класны кіраўнік 10-га класа.
Дзятлаўскі раён, Хвінявіцкая школа.
