«Багач» – шырокавядомае народнае свята. У сучасным жыцці яно адзначаецца як «Свята ўраджаю».
Менавіта гэта восеньскае свята стала адкрыццём новага фальклорна-тэатральнага сезону школьнага аб’яднання па інтарэсах «Фальклорная спадчына», якое арганізавана ў Ладзеніцкай базавай школе.
Галоўныя героі свята – Гаспадар і Гаспадыня – шчодра прымалі гасцей, спаборнічалі з імі ў беларускіх народных гульнях, разгадванні народных загадак, расказванні жартаў. На свяце гучалі беларускія аўтэнтычныя песні мясцовага рэгіёну, у якіх услаўляецца руплівы гаспадар, працалюбівы і старанны чалавек, сейбіт, хлебароб.
Асабліва ўразілі гурткоўцы гледачоў пастаноўкай народнага побытавага танца «На рэчаньку». Мелодыя народнага танца аб’яднала ўсіх прысутных у дружную талаку, выклікала пачуцці радасці, замілавання, з’яднання.
Ірына Паўлаўна ТАЛКАЧ,
кіраўнік аб’яднання па інтарэсах «Фальклорная спадчына»,
Навагрудскі раён, Ладзеніцкая базавая школа.
