«Твары цуды – і яно да цябе вернецца» – пад такім дэвізам праходзіць акцыя «Нашы дзеці» ў Жукоўшчынскай базавай школе.
На ўрачыстым адкрыцці акцыі ў госці да вучняў завіталі казачныя героі – клоўн, заяц, Бабуля-яга, якіх выдатна сыгралі вучаніцы 9-га класа, з віншаваннямі ад Дзеда Мароза. І. У. Красоўская, галоўны спецыяліст КСУП «Жукоўшчына», павіншавала прысутных з надыходзячымі святамі і ўручыла салодкі падарунак.
Ва ўстанове адукацыі рэалізуецца акцыя «Цуды на Каляды»: вучні сваімі рукамі зрабілі навагоднія паштоўкі для ветэранаў педагагічнай справы, сабралі падарункі для дзяцей, якія часова знаходзяцца ў сацыяльным прытулку.
Дар’я Махнач, вучаніца 9-га класа, пераможца міжнародных конкурсаў, прыняла ўдзел у дабрачыннай ёлцы ў г. Гродна для дзяцей з апякунскіх сем’яў, а лепшыя вучні школы – ў раённай дабрачыннай ёлцы.
Памяшканні ўстановы адукацыі аздоблены ўпрыгожваннямі на навагоднюю тэматыку – на вокнах створаны казачныя пейзажы, у фае размешчаны тры фотазоны.
Навучэнцаў установы ў актавай зале чакала казачная навагодняя прыгажуня – елка, а дзеці на навагоднім ранішніку адправіліся ў казачнае падарожжа «Новы год ў зімовым лесе».
Акцыя «Нашы дзеці» прадоўжацца да 15 студзеня 2024 года. Вучні яшчэ змогуць паўдзельнічаць у квэсце «Ключы бабулі Зімы», навагодняй майстэрні «Падарунак для сябра», акцыі «Навагодні сюрпрыз».
Нікіта АКРАЕЦ,
член савета піянерскай дружыны,
Дзятлаўски раён, Жукоўшчынская базавая школа.
