У рамках месячніка патрыятычнага выхавання Клясціцкая школа штогод збірае шмат сяброў на Фестывалі беларускай песні.
Усе класы сталі актыўнымі ўдзельнікамі свята. На сцэне гучалі і народныя, і сучасныя песні на беларускай мове. Фестываль праводзіўся ў шосты школьны дзень і быў прысвечаны Дню роднай мовы, які адзначаецца ў лютым. Вучнямі выконваліся такія песні, як «Завіруха», «Радзіма – гэта…», «Сланечнік», «Беларусь мая сінявокая», «Ручаёнак, ручаіначка» і іншыя. Класы добра падрыхтаваліся. Вучні былі апрануты ў нацыянальнае адзенне. Спявалі ўсе: і тыя, хто на сцэне, і тыя, хто ў зале.
Мерапрыемства прайшло ў цёплай атмасферы. Атрымалася сапраўднае свята беларускай песні. Засталіся ўсе задаволеныя: вучні, бацькі, педагогі.
Наша маладое пакаленне павінна выхоўвацца на падмурку нацыянальнай культуры.
Надзея Сяргееўна ШЫЛАВЕЦ,
настаўнік беларускай мовы і літаратуры,
Расонскі раён,
Клясціцкая школа імя У.А.Хамчаноўскага.
