Бібліятэкар філіяла «Страчанская сельская бібліятэка» падрыхтавала для сваіх чытачоў падарожжа «У свет прафесій» з элементамі экскурсіі.
Першым пунктам маршруту стаў мехдвор КСУП «Міхалішкі». Тут супрацоўнікі расказалі пра тэхніку, якая знаходзіцца на тэрыторыі двара. Дзеці даведаліся аб прызначэнні кожнай сельскагаспадарчай машыны і яе тэхнічных характарыстыках.
Пасля накіраваліся на малочнатаварную ферму. Працаўнікі фермы расказалі аб тым, што зараз усе працэсы аўтаматызваны. Маленькія цяляты выклікалі сапраўднае захапленне і цэлую палітру станоўчых эмоцый.
Супрацоўнік Спондаўскага лясніцтва расказаў пра лясное багацце Астравеччыны, абавязкі работнікаў, пазнаёміў з сучасным абсталяваннем і тэхналогіямі лясной галіны.
Вольга Мечыславаўна ЗАЯНЧКОЎСКАЯ,
бібліятэкар Астравецкай раённай бібліятэкі.
