Шмат яркіх эмоцый і незабыўных уражанняў атрымалі выхаванцы аздараўленчага лагера «#Вместе_ярче» Пятрэвіцкай школы, калі здзейснілі цікавую экскурсію ў Гродна.
Асабліва уразіў унікальны аб’ект – Аўгустоўскі канал. Гэта рукатворны водны шлях, які ў ХIХ стагоддзі злучыў басейны рэк Віслы і Нёмана, забяспечыўшы на поўначы выхад да Балтыйскага, а на поўдні – да Чорнага мора (праз Агінскі канал, Дняпро, Бярэзінскую водную сістэму і Дзвіну). Даўжыня канала складае 102 км, з іх 22 км знаходзіцца ў Беларусі, 80 км – у Польшчы. На тэрыторыі Беларусі ў яго ўваходзяць чатыры суднаходныя шлюзы: Кужынец, Валкушак, Дамброўка і чатырохкамерны Нямнова, пяць шлюзаў-рэгулятараў.
Рухаючыся па маршруце экскурсіі, вучні пачулі шмат цікавых гісторый і легенд аб паходжанні вёсак Макрэц, Воркавічы, Агароднікі. Наведалі знакамітыя месцы ў акрэснасцях горада Гродна: помнік 3000 яўрэям, загінуўшым у гады Вялікай Айчыннай вайны, участак некалі пабудаванай Гродзенскай крэпасці, месца пахавання Яна Каханоўскага.
Вельмі спадабаўся ўсім Гродзенскі заапарк. Асаблівую цікавасць выклікала наведванне тэрарыума і акварыума.
Таццяна Уладзіміраўна ГІРЫНОВІЧ,
дырэктар аздараўленчага лагера «#Вместе_ярче»,
Навагрудскі раён, Пятрэвіцкая школа.
