У Круцілавіцкай школе на канікулах працаваў аздараўленчы лагер «Весяльчак». Наведвалі яго 15 хлопчыкаў і дзяўчынак.
Кожны дзень лагернай змены адпавядаў розным накірункам, а ўсё скіравана было на рэалізацыю гульнявой мадэлі «Восеньская мазаіка». У канцы дня выхавальнікі ў сваю скарбонку атрымоўвалі частку мазаікі. У выніку павінна была атрымацца выява Рэспублакі Беларусь з яе славутасцямі.
Вучні пабывалі на экскурсіі ў вёсцы Малдавічы, дзе нядаўна з’явіўся музей «Хата брыгадзіра». Даведаліся пра тое, як жылі іх прабабулі і прадзядулі. Сваімі вачамі ўбачылі прадметы ўжытку, якімі карысталіся продкі. З задавальненнем гулялі ў прапанаваныя ім вядучымі гульні, слухалі і задавалі шмат пытанняў.
А яшчэ наведалі Храм Святой Багародзіцы ў Казлоўшчыне і святую крыніцу. Запомнілі і гульнявую праграму з працаўнікамі мясцовага дома культуры,экскурсію ў мясцовую бібліятэку.
Весела і цікава, а галоўнае, з карысцю правялі час хлопчыкі і дзяўчынкі. Цяпер з нецярпеннем будуць чакаць наступных канікул!
Станіслава Лявонаўна ЖЫХ,
дырэктар аздараўленчага лагера «Весяльчак»,
Святлана Аляксееўна ЧАЙКА,
старшы выхавацель,
Дзятлаўскі раён, Круцілавіцкая школа.
