На сённешні дзень вельмі актуальным з’яўляецца пытанне аб нашай роднай мове, бо многія яе не ведаюць на належным узроўні, асабліва сярод моладзі. Для таго, каб надаць больш увагі беларускай мове, літаратуры і культуры прайшоў тыдзень роднай мовы «Як ты дорага мне, мая родная мова».
У Мушыская школе для вучняў быў арганізаваны шэраг мерапрыемстваў, якія актывізавалі пазнавальную і творчую дзейнасць дзяцей і дапамаглі яшчэ больш палюбіць родную мову.
На працягу тыдня прайшлі наступныя мерапрыемствы: інтэлектуальная гульня «Мова родная – мова модная», інтэлектуальная гульня «Размаўляй па-беларуску», музейны ўрок «Ад пяра да кнігадрукавання», акцыя «Віншавальная паштовачка», акцыя «Пажаданні роднай мове», настольная гульня «Беларуская вандроўка».
Усе мерапрыемствы прайшлі на пазітыве, вучні з вялікім задавальненнем прымалі ўдзел у кожным, праяўлялі сваю актыўнасць і творчасць.
А гэта значыць, што наша мова патрэбная маладому пакаленню і ў яе ёсць будучыня!
Таццяна Пятроўна ПЕТРАЧЭНКА,
настаўнік беларускай мовы і літаратуры,
Мсціслаўскі раён, Мушынская школа.
