У Астравецкай раённай бібліятэцы адбылася асаблівая сустрэча літаратараў Беларусі і Расіі. Мерапрыемства сабрала майстроў пяра з аматарскага аб’яднання «Астравецкай зямлі галасы» і гасцей з Расійскай Федэрацыі – паэтаў творчага аб’яднання “Сугучча” з Новаўральска. Сяброўская атмасфера і агульная любоў да слова аб’ядналі ўдзельнікаў.
Вечар адкрылі госці з Новаўральска. Кіраўнік аб’яднання «Сугучча» Наталля Сумакова прадставіла сваю таленавітую каманду, якая падзялілася з аўдыторыяй цэлай музычна-паэтычнай праграмай. Вершы, прачытаныя шчыра і з глыбокім пачуццём, суправаджаліся выкананнем песень пад гітару, што стварыла поўнае адчуванне жывой творчай энергіі. Выступленне рэзаніравала дасканаласцю кожнага фрагмента, паказваючы высокае майстэрства і прыхільнасць да мастацтва.
Дапоўнілі вобраз знаёмства з гасцямі апавядальныя фільмы пра Новаўральск – маладога і маляўнічага закрытага адміністрацыйна-тэрытарыяльнага ўтварэння Свярдлоўскай вобласці, а таксама пра насычаную дзейнасць іх творчага аб’яднання. Гэта дазволіла астраўчанам не толькі пачуць, але і пабачыць, з якім горадам і якімі людзьмі яны сёння дзеляцца творчасцю.
У сваю чаргу, паэты з Астраўца з гонарам падзяліліся сваёй творчасцю, прадэкламаваўшы вершы, натхнёныя родным краем, яго гісторыяй, прыродай і людзьмі. Іх словы знайшлі шчыры водгук у сэрцах гасцей, падкрэсліўшы, што паэзія не мае межаў.
Завяршылася вечар цёплым абменам сувенірамі, кнігамі з аўтографамі і, вядома, фотасесіяй, якая захавала для ўсіх удзельнікаў памяць аб гэтай светлай і натхняльнай сустрэчы двух сяброўскіх літаратурных аб’яднанняў.
Такія мерапрыемствы – не толькі магчымасць пазнаёміцца з творчасцю калег, але і важны крок да ўзаемаразумення і культурнага абмену паміж нашымі народамі, якія звязаны гісторыяй, мовай і любоўю да мастацкага слова.
Вольга Мечыславаўна ЗАЯНЧКОЎСКАЯ,
бібліятэкар Астравецкай раённай бібліятэкі.
