Восень — цудоўная пара, якая сваёй прыгажосцю натхняе на стварэнне чагосьці выдатнага! У Пятрэвіцкім дзіцячым садзе–сярэдняй школе ўжо стала традыцыяй арганізацыя штогадовай выстаўкі на восеньскую тэму. Вось і гэты год не стаў выключэннем!
25 верасня, у шосты школьны дзень, адкрылася выстаўка «Кветкавы БУМ». Былі прадстаўлены букеты вучняў і іх бацькоў. Для стварэння непаўторных шэдэўраў выкарыстоўваліся дары восені – гародніна, садавіна, грыбы, мох, ягады. У кожнай арыгінальнай, непаўторнай і цікавай працы прасочвалася творчая індывідуальнасць і фантазія аўтара.
Выказваем шчырую падзяку ўсім удзельнікам!
Прапануем вашай увазе некаторыя букеты.
Паліна МАНТУШ,
вучаніца 10-га класа.
Фота аўтара.
Навагрудскі раён,
Пятрэвіцкі дзіцячы сад–сярэдняя школа.
