Штогод у Пархімаўскім яслях-садзе – базавай школе праходзіць акцыя «Чырвоная стужачка», прысвечаная Сусветнаму дню барацьбы са СНІДам.
На вуліцах аграгарадка навучэнцы школы распаўсюдзілі інфармацыйна-прафілактычныя матэрыялы. Падчас правядзення акцыі дзеці ўручалі прахожым чырвоныя стужкі – сімвалы ўсведамлення людзьмі важнасці праблемы СНІДу.
Акцыя дазволіла звярнуць увагу на ўсю сур’ёзнасць дадзенай праблемы, данесці інфармацыю па прафілактыцы ВІЧ-інфекцыі да насельніцтва, матываваць да захавання здароўя.
Вераніка Мікалаеўна КРУПЕНЧЫК,
класны кіраўнік 9-га класа.
Бераставіцкі раён,
Пархімаўскі яслі-сад–базавая школа.
