Напярэдадні Міжнароднага дня роднай мовы ў сярэдняй школе № 5 Навагрудка прайшоў адзіны дзень дыктоўкі на беларускай мове, у якім узялі ўдзел і дарослыя, і вучні.
Удзельнікі дыктоўкі ў чарговы раз пераканаліся, што наша родная мова надзвычай прыгожая і мілагучная.
Тэмы былі разнастайныя. Беларускае слова па-свойму раскрыла ўсім свежасць летняга ранку, прыгажосць зімовага лесу, лёгкі подых вясны, цеплыню роднага дома. Кожнае слова і дарослыя, і дзеці старанна выводзілі, каб атрымаць падзяку альбо добрую адзнаку. Вельмі прыемна, што ўсім гэта ўдалося.
Алена Мікалаеўна КАЗАК,
намеснік дырэктапа па вучэбнай рабоце.
г. Новогрудок, школа № 5.
