Духоўнасць, душэўнасць, душа — роднасныя словы, такім чынам, духоўнае выхаванне – выхаванне душы. Гэта цяжкая і працяглая праца, якая патрабуе велізарных сіл. Адным з накірункаў работы летняга аздараўленчага лагера «Сцежкамі роднага краю» Любчанскай школы з’яўляецца духоўнана-маральнага выхаванне маленькага чалавека.
З гэтай мэтай для выхаванцаў лагера была арганізавана экскурсія ў Свята-Ільінскую царкву г. п. Любча. Каля варот храма дзяцей сустрэў настаяцель пратаіерэй Аляксандр.
Вельмі цікавым і карысным атрымаўся расповяд свяшчэнніка пра гісторыю будаўніцтва царквы, якая вядзе свой пачатак з першай паловы XVIII ст., пра архітэктуру будынка, праваслаўных святах і абрадах, традыцыях. Дзеці даведаліся таксама аб гісторыі з’яўлення ў храме іконы «Дастойна ёсць», абраз якой цудадзейным чынам праявіўся на кары ліпы ў мястэчку Войнава, што каля Любчы. На гэтым месцы, дзе быў знойдзены абраз іконы, жыхары мястэчка Любча ў XIX ст. узвялі Троіцкую Свята-Падліпскую царву, да якой аж да 1966 года здзяйсняліся хрэсныя ходы.
У ходзе гутаркі з настаяцелем Свята-Ільінскай царквы выхаванцы лагера шмат даведаліся аб правілах паводзін у храме, аб духоўных праваслаўных каштоўнасцях у сучасным свеце, аб неабходнасці прытрымлівацца дзесяці Божых запаветаў. Напрыканцы сустрэчы дзеці і выхавацелі змаглі перад іконамі святых памаліцца за здароўе сваіх родных і блізкіх.
Экскурсія ў Свята-Ільінскую царкву г.п. Любча запаліла ў сэрцах школьнікаў агеньчык цеплыні і дабра, спагады да бліжняга, жаданне стаць лепшымі, быць карыснымі сваёй Радзіме і народу.
Таццяна Аляксандраўна БОРЫС,
намеснік дырэктара аздараўленчага лагера
«Сцяжынкамі роднага краю».
Навагрудскі раён, Любчанская школа.
