У Старадварэцкай базавай школе ў рамках раённага праекта па ваенна-патрыятычнаму выхаванню «Нашчадкі Перамогі. Мы памятаем. Мы ганарымся» адбылася занальная сустрэча паміж вучнямі 5–6-х класаў Вялікабераставіцкай сярэдняй школы, Пархімаўскай і Старадварэцкай базавых школ.
Спартыўна-патрыатычны квэст пачаўся з выканання беларускіх песен. Вучні ўспомнілі беларускія гарады, чыталі вершы беларускіх пісьменнікаў пра Беларусь, складалі асацыятыўны рад «Патрыёт. Хто ён?», перакладалі словы з русскай мовы на беларускую, адказвалі на пытанні пра гісторыю нашай краіны ў форме гульні «Веру – не веру».
На пункце маршрута «Фразеалагізмы» з дапамогай мімікі і жэстаў інсцэніравалі яго, паказываючы гумар, знаходлівасць і артыстызм. Спадабаліся вучням пункты «Сараканожкі», дзе каманда праходзіла дыстанцыю, трымаючы паміж сабой надзьмуты паветраны шарык і «Вусень», калі рукамі і нагамі перасоўвалі круг са шчыльнага матэрыялу, рухаючыся наперад.
Заданні былі накіраваны на фарміраванне грамадзянска-патрыятычных якасцей асобы навучэнцаў, уяўленне вучняў пра якасці грамадзяніна-патрыёта і адказнасць за іх, культуры здаровага ладу жыцця ў падрастаючага пакалення, развівацё пачуцця калектывізму і адказнасці.
Усе удзельнікі квэста атрымалі сертыфікат удзельніка, салодкі падарунак, добры настрой.
Людміла Анатольеўна ТАПАРЫЎСКАЯ,
настаўнік.
Бераставіцкі раён, Старадварэцкая базавая школа.
