У Міжэрыцкай базавай школе працуе аздараўленчы лагер «Планета Здаравячок» з дзённым знаходжаннем.
Для хлопчыкаў і дзяўчынак праводзяцца цікавыя мерапрыемствы, конкурсы, экскурсіі, спартыўныя гульні, арганізоўваецца працоўны дэсант, дзе мы сочым за станам помнікаў малой радзімы.
На тэрыторыі аграгарадка Міжэрычы размяшчаецца помнік загінуўшым землякам, у вёсках Тулава, Янаўшчыне і Мештавічах – брацкія магілы, у якіх пахаваны абаронцы нашай зямлі ад фашысцкай навалы. У памятныя дні тут праводзяцца кранальныя цырымоніі, якія не пакідаюць абыякавым нікога. Круглы год навучэнцы школы, а зараз выхаванцы лагера, шчыра клапоцяцца аб тым, каб тэрыторыі пахаванняў заўсёды былі ў парадку, ля помнікаў ускладзены кветкі і вянкі.
Удзячныя нашчадкі ўшаноўваюць памяць пра подзвіг нашых гераічных дзядоў і бабуль, дзякуючы якім мы жывём у мірнай прыгожай краіне.
Ніна Іванаўна ВАЛАДАШЧЫК,
Аксана Міхайлаўна ТРУБЕЙ,
выхавальнікі аздараўленчага лагера «Планета Здаравячок»,
Зэльвенскі раён,
Міжэрыцкая базавая школа імя У. Ляха.
