Навучэнцы пачатковых класаў Круцілавіцкай сярэдняй школы Дзятлаўскага раёна прынялі актыўны ўдзел ва ўроку памяці, прысвечаным 38-й гадавіне з дня аварыі на Чарнобыльскай АЭС. Вучні паглыбілі веды аб трагедыі на станцыі.
З дапамогай прагляду відэафільма і прэзентацыі, тлумачэнняў настаўніка паглыбілі веды аб катастрофе, якая адбылася па прычыне выбуху, даведаліся аб гераічнай рабоце пажарных, салдатаў, міліцыянераў, доктараў і іншых неабыякавых людзей, якія дапамагалі ліквідаваць небяспечны пажар і эвакуіраваць насельніцтва, аб наступствах, якія прынесла аварыя для чалавецтва і прыроды.
Удзельнікі мерапрыемства атрымалі веды аб тым, як у нашай дзяржаве шануюць памяць аб усіх загінуўшых у выніку аварыі людзях. Напрыканцы рабяты пачцілі памяць загінуўшых хвілінай маўчання.
Ала Уладзіміраўна ЛАЗОВІК,
настаўніца пачатковых класаў,
Дзятлаўскі раён, Круцілавіцкая школа.
