У Старадварэцкім яслях-садзе–базавай школе традыцыйна прайшоў Тыдзень акцябрат.
Тэматычныя дні запрасілі акцябрат у завочнае падарожжа «“Гістарычнае мінулае роднага краю», на квэст-гульню «Да алімпійскіх вяршынь», акцябрацкі квіз «Я, ты, ён, яна – разам дружная сям’я». Асаблівая ўвага была накіравана на выхаванне любові і павагі да роднага краю, выхаванне пачуцця гонару за беларускі народ, патрыятызму і адказнасці за лёс сваёй малой радзімы.
Вучні пазнаёміліся з жыццём і подзвігам Марата Казея, імя якога носіць піянерская дружына школы. Прынялі ўдзел у патрыятычнай акцы і «Свеча Памяти». Акцябраты былі актыўнымі ўдзельнікамі творчай працы па састаўленню фотакалажа «Я – акцябронак», вырабу пажарнай машыны да Дня выратавальніка.
Удзел у фотачэлендже у сацыяльных сетках «Настрой#ZIMA» вельмі спадабаўся дзецям і надаў мерапрыемству незвычайны настрой.
У канцы акцябраты падзяліліся ўражаннямі і склалі пажаданні ў выглядзе рознакаляровага ланцужка «Пісьмо сябру» – жадалі адзін аднаму здароўя, шчасця, добрых адзнак, поспехаў, міру і дабрыні.
Алена Анатольеўна СЦЕФАНКОВА,
педагог дадатковай адукацыі.
Бераставіцкі раён,
Старадварэцкі яслі-сад–базавая школа.
