У аздараўленчым лагеры «Весяльчак» Круцілавіцкай школы дзень Нептуна, стаў традыцыйным.
Гэтага дня штогод з нецярпеннем чакаюць выхаванцы летняй змены. Сёлета конкурсная праграма «У гасцях у Нептуна» сумесна з супрацоўнікамі Данілавіцкага Дома культуры.
Хлопчыкі і дзяўчынкі сустрэліся з Нептунам і Вадзянікам, падзяліліся на дзве каманды і ахвотна выконвалі ўсе іх забаўляльныя заданні: стваралі папяровыя карабелі, адгадвалі загадкі, у парах імітавалі рухі краба, на хуткасць насілі ваду ў паветраных шарыках, спявалі песні, расшыфроўвалі рэбусы, малявалі малюнкі, выконвалі танец для Нептуна.
Потым традыцыйна абліваліся загаддзя нагрэтай на сонцы вадой. Усе ўдзельнікі атрымалі прызы, а таксама зарад бадзёрасці, весялосці і сяброўскасці.
Ала Уладзіміраўна ЛАЗОВІК,
дырэктар аздараўленчага лагера «Весяльчак»,
Таццяна Яўгеньеўна ЛАЗОВІК,
старэйшы выхавальнік.
Дзятлаўскі раён, Круцілавіцкая школа.
